Këtë të premte kryeqyteti i Suedisë, Stokholmi, ishte cak i terroristëve. Një sulmues hyri me një kamion në një qendër tregtare, ku pati edhe të vdekur.
Për ish-deputeten e Parlamentit të Kosovës, Qibrie Hoxha që jeton në Stokholm, pas këtij akti jeta atje u paralizua.
Jetë nga ky sulm ndërruan tre veta.
“Në fillim kur ndodhi kjo, policia ka qenë mjaftë e rezervuar dhe nuk u cilësua si akt terrorist dhe më pas u kuptua se ishte i tillë”, ka thënë Hoxha për Klan Kosova.
“Ka njerëz që ende gjinden brenda nëpër vendet e tyre të punës. Ka një kaos të jashtëzakonshëm, as trenat nuk funksionojnë dhe janë ndërprerë të gjitha aktivitetet. Stokholmi ishte i paralizuar”, ka shtuar ajo.