Ish-i dashuri i Emily Ratajkowski, Eric Andre, ka zgjedhur të veshë kostumin e këngëtares Sade për Halloween.
Komediani dhe aktori 41-vjeçar kishte stilizuar flokët e tij me zgjatje në një gërshet dhe kishte vendosur buzëkuq e grim të errët për të përfunduar pamjen.
Eric mori pjesë në festën vjetore të Halloween të Heidi Klum, që u mbajt në hotelin Hard Rock në New York, shkruan DailyMail.
Ai kishte veshur një bluzë blu dhe xhinse të bardha, duke imituar stilin e Sade-s.
Në postimin e tij për Halloween, ai ndau një fotografi ku shfaqej në atë pamje, duke e titulluar: “Gëzuar Halloween @Sade”.
Ai gjithashtu përmendi stilistët që e ndihmuan me pamjen e tij.
Kjo shfaqje vjen pas një lidhjeje të shkurtë midis Eric dhe Emily në fillim të vitit 2023, kur ata ishin parë duke dalë së bashku në New York. /Telegrafi/
