Ish-atasheu i Kosovës në SHBA: Kosova, partner i vogël, por i besueshëm i SHBA-së

Presidentja e Kosovës, Vjosa Osmani, ka bërë të ditur se Kosova dhe Shtetet e Bashkuara të Amerikës janë pranë finalizimit të një marrëveshjeje për “dialog strategjik” mes dy vendeve.

Kjo u bë e ditur pas një takimi në Prishtinë me Zëvendëssekretarin e Shtetit për Menaxhim dhe Burime, Richard R. Verma.

Ish-atasheu i Kosovës në SHBA, Xhavit Gashi, e ka cilësuar Kosovën si një partner të vogël, por të besueshëm, në sytë e SHBA-ve.

Ai ka theksuar se ndonëse ka pasur periudha të vështira në marrëdhëniet dypalëshe, veçanërisht gjatë këtyre viteve të fundit, thelbi i politikës amerikane ndaj Kosovës nuk ka ndryshuar

“Doktrina e Trump është tjetër doktrinë, prandaj edhe kur thashë, gjithsesi, përsëri nuk duhet të kemi frikë se do të ndryshojë rrënjësisht politika amerikane ndaj Kosovës. Edhe ky dialog strategjik mund të riformulohet nga një administratë e re. Pra nuk rrezik që do të ndryshojë thelbësisht. Po pra e dimë nga Marrëveshja e Uashingtonit, pastaj administrata Trump pritet të sikur ka qenë e mëparshmja me ndryshime më transaksionale”, ka thënë Gashi, në FIVE të Dukagjini.

Lexo po ashtu Çka është dialogu strategjik për të cilin angazhohet SHBA-ja?

Sipas tij, është fat se edhe në administratën e re ne kemi miq. Qoftë në Senat, qoftë në Kongres, qoftë në institucione e reja.

“Ne vazhdojmë të trajtohemi partnerë i vogël por i besueshëm. Pak është lënduar por nuk është shkatërruar. Fatmirësisht, ka pasur shansa të lëndohet, por me këtë sot por edhe me vizita e deklarime nga administrata amerikane, shohim që fatmirësisht nuk është lënduar në një masë që t’i shkaktojë dëme partneritet tonë Kosovë-Amerikën”, ka thënë Gashi./Dukagjini/