Ish-ambasadori i Gjermanisë në Kosovë, Christian Heldt, ka arritur në Berlin ku edhe është futur në vetizolim.
Ai tashmë ka hapur një profil të ri në Twitter – pasi atë të ambasadorit gjerman në Kosovë do ta trashëgojë pasardhësi i tij në këtë post – ku cicërimën e parë ka zgjedhur t’ia dedikojë kosovarëve.
“Kam arritur mirë në Berlin ku jam në vetizolim deri të hënën në mëngjes kur do të testohem. Cicërima e parë i dedikohet miqve të mi në Kosovë për t’i falënderuar për të gjitha përshëndetjet në rrjetet sociale. Jam akoma plotësisht i emocionuar, mirënjohës dhe ju përulem. E kam bërë vetëm punën time…por, e kam shijuar jashtëzakonisht shumë”, ka shkruar Heldt në Twitter, transmeton Telegrafi.
Arrived well in Berlin, now selfisolation till test on Monday morning. 1st tweet dedicated to friends in #Kosovo to thank you for this social media waving off. Still completely overwhelmed, grateful and feeling terribly humble. Just doing my job,… but I profoundly enjoyed it 😊 pic.twitter.com/V8D8SeVdcB
— @CHeldtBerlin (@cheldtberlin) July 24, 2020
Pasi i ka përfunduar mandati si ambasador i Gjermanisë në Kosovë, Heldt gjatë ditës së djeshme përmes një videoje në Twitter ka falënderuar të gjithë kosovarët për mikpritjen dhe miqësinë që i kanë ofruar.
Unser Botschafter🇩🇪 in Kosovo🇽🇰 hat heute seinen letzten Tag im Dienst. Danke, Christian Heldt, für die großartige Arbeit! Du warst immer ein echter Freund Kosovos & ein Gewinn für die bilateralen Beziehungen. Alles Gute für die nächste Aufgabe! Wir wissen: 🇽🇰 bleibt in Deinem❤️ https://t.co/Mx3kxT4gN3
— Susanne Schütz (@GERonWEB) July 24, 2020
Ai, duke iu referuar një thënie gjermane, ka thënë se po e lë një valixhe në Kosovë ku do të kthehet sërish si mik. /Telegrafi/