Heroi i Spanjës ndaj Argjentinës, Isco, u shpreh i lumtur për paraqitjen individuale (het-trik) dhe atë ekipore në fitoren 6-1.
Spanjolli tha se te Përfaqësuesja ka besimin e trajnerin Julen Lopetegui, por jo edhe te Real Madridi.
“Kam besimin e trajnerit dhe ndoshta në Madrid (nivelin e klubit), nuk e kam fituar ende”, ka thënë Isco pas ndeshjes.
“Kjo është edhe arsyeja pse ekipi kombëtar për mua është i rëndësishëm dhe më jep jetë, nëse nuk startoj dhe nuk kontribuojë për klubin, atëherë duhet të shfrytëzojë mundësitë e mia”.
“Synoj të jem startues për klubin dhe përfaqësuesen dhe mënyra e vetme që mund ta bëjë këtë është të vazhdoj me punën e madhe”.
“Ka shumë lojtarë të mëdhenj te Real Madridi, ndoshta unë jam problemi”, ka shtuar Isco.
Në 40 ndeshje për Realin këtë sezon mesfushori ka shënuar vetëm shtatë gola. /Telegrafi/
https://www.youtube.com/watch?v=20ZekYl2AIo