Real Madridi fitoi ndaj Bayern Munichut me rezultat 4-2 në ndeshjen e dytë të çerekfinales së Ligës së Kampionëve dhe lojtarët e klubit gjerman pas takimit kanë dhënë deklarata të ndryshme për referimin e dobët.
Mesfushori i Los Blancos, Isco, ka folur pas ndeshjes dhe ia ka kujtuar faktin të gjithëve se Bayernit i është dhënë një penallti jo-ekzistuese e cila nuk u shndërrua në gol nga Arturo Vidal.
“Ne kemi luajtur si ekip, ashtu siç kemi bërë gjithmonë. Besoj se trajneri do të bënë zgjedhjet e duhura për El Clasico”.
“Kemi vuajtur, por në fund morëm rezultatin. Jam i lumtur që fillova ndeshjen nga minuta e parë”.
“Njerëzit po harrojnë se në Munich atyre është i është dhënë një penallti jo-ekzistuese. Ky është futbolli, me raste të jep, me raste të merr”.
“Siç thash më herët, jam i gatshëm për atë që trajneri ka nevojë për mua”, ka thënë Isco. /Telegrafi/