Mbesa e njohur e njërit prej armiqve më të shquar biznesorë të Vladimir Putinit, ka humbur jetën kur BMW-ja e saj ka dalë nga rruga dhe ka përfunduar në liqen.
Trashëgimtarja Diana Lebedeva, e cila nga miqtë e saj njihej si Lady D, ishte një nga udhëheqëset e grupit “Rinia e Artë” të Moskës.
19-vjeçarja po udhëtonte me një shok kur vetura e tyre humbi kontrollin dhe përfundoi në liqenin Lugano në Zvicër, njofton Telegrafi.
Gjyshi i saj, bankieri Platon Lebedev (59 vjeç) ishte dënuar me 11 vjet burg për evazion fiskal, shpërlarje parash dhe përvetësime – mirëpo dënimi i tij konsiderohet si politikisht i motivuar.
Ajo ishte në një BMW X6, të cilën e voziste 23-vjeçari Azer Yagubov, djali i një biznesmeni nga Azerbajxhani që po ashtu e ka humbur jetën.
Të dy viktimat ishin shkolluar në Zvicër, ndërsa lajmin për vdekjen e tyre e ka konfirmuar Ambasada ruse në Bernë.
Kujtojmë që edhe princesha e Uellsit, Lady Diana, humbi jetën në një aksident komunikacioni në vitin 1997 në Paris. /Telegrafi/
