Numri i vdekjeve nga coronavirusi në Iran, është afërsisht tri herë më i lartë sesa që qeveria e Iranit thotë se është, shkruan BBC.
Të dhënat e qeverisë tregojnë afro 42 mijë persona të kanë humbur jetën nga COVID-19 deri më 20 korrik, derisa ministria e Shëndetësisë së këtij vendi ka konfirmuar vetëm 14.405, transmeton Telegrafi.
Gjithashtu edhe numri i personave të infektuar është pothuajse dy herë më i lartë, ku sipas zyrtarëve të qeverisë shkon në 451.024 e ato të ministrisë së Shëndetësisë thonë se është 278.827.
Të dhënat zyrtare e bëjnë Iranin vendimin më të godit nga pandemia e coronavirusit në Lindjen e Mesme. Vdekja e parë si pasojë e COVID-19 në këtë vend ishte regjistruar më 22 janar.
Është pothuajse një muaj para se zyrtarisht të raportohej për të infektuar me coronavirus në këtë vend.
Që nga shpërthimi i pandemisë së coronavirusit në Iran, shumë observues kanë qenë skeptikë lidhur me transparencën dhe të dhënat e sakta mbi të infektuarit dhe të vdekurit nga COVID-19.
Ka shumë parregullsi në të dhëna mes nivelit kombëtar dhe atij regjional, ku shumë zyrtarë lokalë kanë folur për këtë dhe personat që merren me statistika, janë munduar ta kuptojnë se për çfarë numri bëhet fjalë. /Telegrafi/