Që nga sot, fansat e modeleve të reja të iPhone mund ta marrin modelin e fundit të telefonit të Apple në shtetet sikurse Andorra, Austria, Belgjika, Bosnja, Bullgaria, Kroacia, Republika Çeke, Danimarka, Estonia, Finlanda, Greqia, Hungaria, Islanda, Irlanda, Italia, Letonia, Lihtenshtajni, Lituania, Luksemburgu, Maldivet, Meksika, Monako, Holanda, Norvegjia, Polonia, Portugalia, Rumania, Rusia, Sllovakia, Sllovenia, Spanja, Suedia, Zvicra dhe Tajvani.
Apple do të nisë modelet e reja të iPhone që nga nesër edhe në Bahrejn, Jordani, Kuvajt, Katar, Arabinë Saudite dhe Emiratet e Bashkuara Arabe.
Pritjet janë që në Kosovë, operatori mobil IPKO ta ofrojë atë të kombinuar me ndonjërën nga pakot e saj, sepse IPKO ka deklaruar më herët se do të jetë operatori ekskluziv i iPhone nga Apple.
Pajisjet e reja mobile të Apple gjithashtu do të jenë në dispozicion në më shumë vende më 16 tetor, duke përfshirë edhe shtetet si India, Turqia dhe Malajzia. (Telegrafi)