Ipeshkvia Tetovë-Gostivar njoftoi sot se kanë marrë vendim nga Komuna e Tetovës për heqjen e kryqit të vendosur në pronën kishtare në Kodrën e Diellit.
Nga atje thonë se ndaj këtij vendimi për këtë do të parashtrojnë ankesë.
“KOM AO Ipeshkvia Tetovë-Gostivar do t’i mbrojë të drejtat e saj në drejtim të zgjidhjes së çështjes së caktuar përmes mekanizmave ligjorë në dispozicion.
Apelojmë tek qytetarët që të mos iu nënshtrohen provokimeve të shpeshta dhe t’i përkushtohen paqes dhe marrëdhënieve të mira ndërfetare”, thuhet në njoftimin e Ipeshkvisë Tetovë-Gostivar.
Kryeshefi i Inspektoratit komunal në Komunën e Tetovës, Sadat Sulejmani dje tha se ka vendim edhe për prishjen e kryqit në Kodrën e Diellit, por nuk dihet se kur do të prishet i njejti/Telegrafi/