Në total, Apple shiti 17.04 milionë iPad në tremujorin e dytë të vitit, dhe kjo shifër është rreth dyfishi i dërgesave të bëra në 2011, pasi që në tremujorin e njëjtë në vitin 2011 Apple kishte shitur “jo më shumë” se 9.25 milionë njësi.
Në vendin e dytë është Samsung, i cili sipas raportit ka shitur rreth 2.39 milionë tablet në periudhën e njëjtë të vitit, dhe me këtë shitje prodhuesi mban rreth 9.6 për qind të tregut, ndërsa në vendin e tretë është Amazon me 5 për qind të tregut.
Megjithatë, në ndërkohë në tregun e tabletëve janë shtuar edhe disa modele të reja të tabletëve, dhe do të jetë interesante të shihet raporti i tregut për tremujorin e ardhshëm, ku me siguri do të shfaqet edhe Google me tabletin e saj, Nexus 7. / Telegrafi /