Të paktën 20 migrantë u vranë kur kontrabandistët hodhën 80 persona nga një anije në Detin Arabik.
Kështu ka njoftuar sot përmes një deklarate për media Organizata Ndërkombëtare për Migracionin (IOM).
Sipas deklaratës, kontrabandistët “filluan të bërtisnin se kishte shumë njerëz në anije” gjatë udhëtimit, i cili përfshinte gjithashtu të mitur, raporton france24.
Pesë kufoma janë gjetur dhe të mbijetuarit po ndihmohen në Xhibuti, deklaroi IOM.
Nuk dihet nga cili vend janë migrantët që ishin në bordin e anijes. /Telegrafi/