Simone Inzaghi ka thënë se Lazio nuk kishte presion para ndeshjes me Interin dhe arriti të fitonte 2-1 në kuadër të javës së 24-të në Serie A.
Lacianët fituan derbin ndaj Nerazzurëve, duke u renditur në vendin e dytë, me një pikë dallim nga Juventusi.
“Kemi luajtur shumë mirë ndaj një skuadre shumë të vështirë dhe që ka humbur vetëm një herë nga 24 ndeshje”, ka thënë ai.
“Jemi duke mbajtur një ritëm të mirë, kemi zhvilluar një ndeshje fantastike sonte dhe Interi na lejoi t’i bënim disa kundërsulme, por edhe ata e bënë të njëjtën gjë”.
“Në pushimin e pjesës së parë, u thash djemve se duhej të ishim më final në topin e fundit dhe t’i konkretizojmë rastet tona”.
“Jam shumë i lumtur me atë që treguan në fushë dhe fituam me një qetësi të madhe në një ndeshje që pritej dhe doli të ishte e zjarrtë”, ka shtuar më tej Inzaghi.
Lazio ëndërron se në këtë sezon mund të fitojë titullin e Serie A-s edhe pse Juventusi shihet si favorit. /Telegrafi/