Kryetari Shpend Ahmeti bashkë me Drejtoreshën e Parqeve, Fatime Hajdari, si dhe Drejtorin e Shërbimeve Publike, Ismail Kokaj, vizituan sot ndërmarrjen Hortikultura për të parë nga afër funksionimin e kësaj ndërmarrjeje si dhe për t’i uruar punëtorët për mjetet e reja të punës.
Në vlerë prej rreth 150.000 eurosh, janë blerë makineri pune, si në vijim:
– Një kamion cisternë për larjen e rrugëve;
– Dy kamioneta me kabinë të dyfishtë;
– Dy traktorë me cisternë të ujit, për ujitje;
– Dy pajisje ndihmëse për traktorë;
– Njëzet prerëse të barit me fije plastike;
– Tri kosa vetëlëvizëse me motor.
Qëllimi i këtij investimi është mirëmbajtja e hapësirave të gjelbra brenda territorit të Komunës së Prishtinës. /Telegrafi/
