Inter ka njoftuar zyrtarisht se ata do të apelojnë kundër dënimit që i është dhënë trajnerit të tyre Luciano Spalletti.
Nerazzurrët fituan ndeshjen e fundit në udhëtim te Sampdoria me rezultat minimal 1-0.
Goli i fitores erdhi në minutat shtesë dhe u shënua nga Marcelo Brozovic.
Trajneri italian, Spalletti, u gëzua shumë pas këtij goli dhe pas festës së tij ai u dërgua jashtë fushë.
Sot (e hënë) Lega Serie A mori vendimet e saj dhe i dha trajnerit të Interit një dënim prej një ndeshje mos-drejtim të ekipit.
Spalletti vetë nuk ka diskutuar në konferencën e tij para ndeshjes me Fiorentinën pasi ai do të vendoste një “precedent të vështirë”.
Megjithatë, klubi i tij, Interi këtë mbrëmje njoftoi se ata do të apelojnë kundër dënimit të trajnerit të tyre.
“Nerazzurrët mund të konfirmojnë se do të apelojnë kundër dënimit prej një ndeshjeje të dhënë ndaj trajnerit Luciano Spalletti,” thuhet në deklaratën e tij në faqen zyrtare të klubit. /Telegrafi/