Interi dhe Hellas Verona kanë publikuar tashmë formacionet zyrtare për ndeshjen e vlefshme për javën e 18-të në Serie A.
Nerazzurrët janë nikoqir të veronezëve në takimin që pritet të zhvillohet nga ora 20:45 në stadiumin “Giuseppe Meazza”.
Ekipi i Simone Inzaghit vjen nga një formë e mirë me tri fitore dhe një barazim në katër ndeshjet e fundit, por synon t’i kthehet tri pikëve në këtë takim pas barazimit ndaj Monzas.
Big Saturday night coming 🆙 ⚽ #ForzaInter #InterVerona pic.twitter.com/hPIsmRIz5y
— Inter (@Inter_en) January 14, 2023
Në anën tjetër, mysafirët kanë gjetur paksa formën në ndeshjet e fundit me një fitore dhe një barazim dhe do të tentojnë të bëjnë befasi me një rezultat pozitiv nga ky udhëtim.
Trajnerët e të dyja skuadrave kanë vendosur të bëjnë disa ndryshime të vogla për dallim nga ndeshja e fundit.
Interi: Onana; Skriniar, Acerbi, Bastoni; Darmian, Gagliardini, Calhanoglu, Mkhitaryan, Dimarco; Dzeko, Lautaro Martinez
Verona: Montipo; Dawidowicz, Hien, Ceccherini; Depaoli, Tameze, Ilic, Doig; Kallon, Lazovic; Djuric.
/Telegrafi/