Interi e ka nisur në mënyrën më të mirë kampionatin, me pesë fitore në po aq ndeshje, duke kryesuar me meritë Serien A me 15 pikë të plota.
Po përveç Antonio Contes dhe futbollistëve, një punë mjaft të mirë po bëjnë edhe drejtuesit e klubit.
Kështu sipas të dhënave paraprake, Interi e ka mbyllur bilancin e sezonit 2018-2019 me 415 milionë euro.
Kjo është jë shumë më tepër për 20 për qind më shumë se një vit më parë, ku klubi mblidhi 346 milionë euro.
Shkak për këtë rritje është bërë pjesëmarrja në Ligën e Kampionëve, që ka sjellë në arkat e klubit rreth 47 milionë euro vetëm nga të drejtat televizive.
Fitime ka edhe nga tregu aziatik, që kanë sjellë një shifër të konsiderueshme të ardhurash.
Natyrisht që bilanci i përgjithshëm kur llogariten harxhimet mbetet ende negativ, me një shifër prej rreth minus 17 milionë euro, por nën nivelin e kërcënimit nga Fair Play Financiar.
Drejtuesit mendojnë që të dalin në fitim në sezonin 2021-2022. /Telegrafi/