Interi ka arritur të triumfojë ndaj Cagliarit me rezultat 3-1 në kuadër të javës së 37-të në Serie A.
Nerazzurët shënuan fillimisht në minutën e 11-të, por u anulua nga loja me dorë nga Milan Skriniar.
Mirëpo, ishte minuta e 25-të e takimit kur Mateo Darmian pranoi një asistim prej Ivan Perisicit, për të realizuar për 1-0.
💪 | ESULTANZA
📸 La gioia di @DarmianOfficial dopo il vantaggio@lenovoitalia @Lenovo #InterXLenovo #CagliariInter 0️⃣ – 1️⃣#FORZAINTER ⚫️🔵 pic.twitter.com/vfyLPQt7DV
— Inter 🏆🇮🇹 (@Inter) May 15, 2022
Me këtë gol, dy skuadrat shkuan në pushimin mes pjesëve, derisa e dyta ishte edhe më e zjarrtë.
Ishte minuta e 51-të kur Interi realizoi edhe golin e dytë, tani me anë të Lautaro Martinez (51’), e Nicolo Barella ishte asistuesi.
⚽ | EL TOROOOOOOOOOOO
51'- Assist favoloso di #Barella, poi forza e precisione di #Lautaro che raddoppia il conto per i nerazzurri e fa 20 in campionato! 😍😍#CagliariInter 0️⃣ – 2️⃣#FORZAINTER ⚫️🔵 pic.twitter.com/MvYj5bDDpH
— Inter 🏆🇮🇹 (@Inter) May 15, 2022
Por, vetëm dy minuta më vonë, Charalampos Lykogiannis i ngushtoi shifrat në 2-1, duke ndezur më shumë sfidën.
Mirëpo, për të shuar shpresat e tyre, u përkujdes Lautaro (85’), që shënoi golin e tij të dytë në këtë takim, për rezultatin 3-1, me një asistim të Roberto Gagliardinit.
Pas javës së 37-të, Interi ka 81 pikë, dy më pak se Milani dhe xhiroja e 38-të pritet të konfirmojë se kush do të jetë kampion i Serie A për edicionin 2021/22. /Telegrafi/