Interi e filloi shumë mirë takimin. Pas një goditjeje dënimi, i saktë u tregua specialisti i gjuajtjeve të lira, Wesley Sneijder që shënoi (6’) për kualifikimin e Interit.
CSKA u tregua e pafuqishme në vazhdim, pasi që Interi mbylli mirë hapësirat. Kësaj i shtohet dhe kartoni i kuq i marrë nga Odiah, katër minuta pas fillimit të pjesës së parë.
Në fraksionin e dytë, Interi vazhdoi me lojën e njëjtë duke mos lejuar CSKA-n të sulmojë, kurse nga ana tjetër Akinfeev shpëtoi në disa raste ekipin e tij.
Interi në gjysmëfinalen e parë pas shtatë vitesh do të mund të takohet me Barcelonën ose Arsenalin, në duelin e gjigantëve të Ligës së Kampionëve. /Telegrafi/