Interi ka njoftuar sot (e diel) se anësori anglez Ashley Young ka rezultuar pozitiv pas testimit për COVID-19.
Nerazzurrët konfirmuan edhe një rast tjetër të coronavirusit në skuadër përpara Derby della Madonnina kundër Milanit në 17 Tetor.
Bëhet fjalë për anglezin, Young, i cili është i fundit që ka rezultuar pozitiv pas testimeve të bëra.
“FC Internazionale Milano njofton se Ashley Young doli pozitiv për COVID-19 pas provave të kryera dje në Appiano Gentile”.
“Lojtari anglez tashmë është në karantinë në shtëpi”, thuhet në njoftimin e Interit.
📰 | ANNOUNCEMENT
FC Internazionale Milano announces Ashley Young has tested positive for COVID-19
👉 https://t.co/9PZecrL29z#FCIM
— Inter (@Inter_en) October 11, 2020
Young u transferua në Inter nga Manchester United në janar dhe është lojtari i gjashtë që rezulton pozitiv përpara ndeshjes derbi ndaj Milanit.
Alessandro Bastoni, Milan Skriniar, Radja Nainggolan, Roberto Gagliardini dhe Ionut Radu janë tashmë në listën e mungesave pas infektimit me COVID-19. /Telegrafi/