Rasti i fitimeve kapitale në Serie A po vazhdon të rritet pasi 12 marrëveshje që përfshijnë Romën dhe Interin tani po hetohen nga policia financiare.
Një raportim nga Tuttosport detajon se si Prokuroria e Romës i ka dërguar dokumentet përkatëse kolegëve të tyre në Milano në lidhje me ‘Nerazzurrët’, në Modena në lidhje me Sassuolon, në Bergamo në lidhje me Atalantën dhe më shumë në lidhje me Napolin .
Më 22 prill, prokurorët në Romë i dërguan kërkesën për aktakuzë klubit të Romës dhe figurave të ndryshme duke përfshirë James Pallotta, Mauro Baldissoni, Guido Fienga, Giorgio Francia, Umberto Maria Gandini dhe Francesco Malknecht.
Katër ditë më vonë, hetimi nisi të fokusohej në krimin e komunikimeve të rreme të korporatave, neni 2621 i kodit civil, duke hetuar disa transferime të kryera nga Roma.
Marrëveshjet mes Romës dhe Interit janë duke u hetuar
Nën shqyrtim janë 12 marrëveshje që variojnë nga viti 2017 deri në vitin 2021, ku përfshihen Gregoire Defrel, Riccardo Marchizza, Davide Frattesi, Nicolo Zaniolo, Davide Santon, Radja Nainggolan, Bryan Cristante, Marco Tumminello, Leonardo Spinazzola, Kosta Penazzola.
Një shembull është marrëveshja Nainggolan; mesfushori belg u largua nga Giallorossët’ në drejtim të Interit në një marrëveshje me vlerë rreth 38 milionë euro, duke përfshirë Santon dhe Zaniolo në këmbim, dhe fitimet kapitale u regjistruan në 31 milionë euro, në vend të 24 milionë eurove sa ishte në total kostoja e operacionit./Telegrafi/