Me rezultat 1-1 ka përfunduar kryendeshja e javës së 33-të në Serie A, ndërmjet Interit dhe Romës që u zhvillua në Giuseppe Meazza.
Rezultati u zhbllokua në minutën e 14-të, kur Stephan El Shaarawy pranoi një top nga Edin Dzeko, ndërsa Samir Handanovic nuk arriti ta ndalte goditjen e tij.
Edhe pse vendasit krijuan disa raste, ata nuk arritën të shënojnë në 45 minutat e para, ashtu që shkuan në pushim me disavantazh.
Rezultati u barazua në gjysmën e dytë. Danilo D’Ambrosio asistoi te Ivan Perisic, i cili u tregua i saktë për të shënuar (62′).
Interi vazhdon të qëndrojë në pozitën e tretë në tabelë me pesë pikë më shumë se Milani që ndodhet një vend më poshtë.
Ndërkohë, Roma ndodhet në pozitën e pestë, me një pikë prapa Rossonerëve dhe do të vazhdojë garën për top-katërshe deri në mbyllje të sezonit.
Në xhiron e ardhshme, Nerazzurrët zhvillojnë derbin ndaj Juventusit, kurse Giallorossët janë nikoqirë të Cagliarit. /Telegrafi/
