Mbrojtësi i Interit, Joao Miranda, e quan Spalletin “trajner të mirë” teksa konfirmon se synimi i ekipit është që të kthehet në Ligën e Kampionëve.
Nerazzurët kanë përfunduar në vendin e shtatë sezonin e kaluar pas një sezoni kaotik që e pa Roberto Mancinin të largohej në parasezonë para se De Boer dhe Pioli e Vecchi të provonin pankinën deri në fund të sezonit.
Tani Interi ka angazhuar Spallettin në një tentim për të ndërruar kahjen, kurse tashmë janë mbajtur edhe përgatitjet e para në qendrën stërvitore.
“Stërvitja e parë shkoi mirë”.
“Luciano Spalletti është trajner i mirë, bëri mirë me Romën. Ne duam që të bëjmë mirë në parasezonë për të fituar formën, ne duhet të bëjmë më të mirën që të përgatitemi për një sezon të mirë”.
“Synimi është që të rikthehemi në Ligën e Kampionëve dhe duam që të fitojmë ndeshjet. Jemi klub i madh dhe duam të kthehemi në mesin e top klubeve evropiane”, deklaroi Miranda. /Telegrafi/