Interi ka shënuar fitore ndaj Lecces me rezultat 2-0 në kuadër të javës s dytë të Serie A.
Pas barazimit në ndeshjen e parë, Interi u fut me të gjitha forcat që të fitonte në shtëpi dhe shpejt e zhbllokoi rezultatin.
Zhvillohej minuta e pestë kur Mateo Darmian shënoi për 1-0 pas asistimit të Mehdi Taremit.
CLASS GOAL
FROM MATTEO DARMIAN! Wonderful assist from Taremi on his first start! ⚽️🇮🇹⚫️🔵 pic.twitter.com/n3bIBGrTBF— Inter Xtra (@Inter_Xtra) August 24, 2024
Në minutën e 15-të, lojtarët e Lecces kërkuan penallti për një prekje me dorë të lojtarëve të Interit, por që edhe pas shikimit në VAR gjyqtari Di Marco nuk vendoi për pikën e bardhë.
Pjesa e parë u mbyll me këtë rezultat, ndërsa në mesin e pjesës së dytë, ishte Interi ajo që fitoi penallti.
Nga pika e bardhë doli të ishte i saktë Hakan Calhanoglu i cili shënoi për 2-0.
Hakan Çalhanoğlu goal to open his account for the 2024/25 season and double #Inter’s lead! 🇹🇷⚽️ pic.twitter.com/Scf3aLFoxF
— Inter Xtra (@Inter_Xtra) August 24, 2024
Deri në fund nuk kishte më gola të tjerë dhe Interi iu gëzua fitores së parë sezonale.
Ylber Ramadani luajti gjithë ndeshjen, ndërsa Kristjan Asllani dhe Medon Berisha u futnë në lojë pas minutës së 80-të.
Interi tani ka 4 pikë në renditje, ndërsa Lecce është e fundit pa pikë. /Telegrafi/