Duket se entuziazmi dhe besimi në shtëpinë e Interit po rritet në mënyrë sensacionale.
La Gazzetta dello Sport shkruan se Nerazzurët qysh në ditën e parë të shitjes së biletave për këtë ndeshje kanë arritur të shesin plot 50 mijë bileta.
Një rekord ky në vete për një ndeshje që nuk konsiderohet derbi.
Duket se thirrja e Spallettit për përkrahje të tifozëve është pritur mirë prej këtyre të fundit që pritet të mbushin stadiumin Giuseppe Meazza.
Nerazzurët sipas sportives italiane presin që deri në ditën e ndeshjes të shiten afro 60 mijë bileta, që është shumë impresive duke marrë parasysh shumë faktorë.
Interi ka fituar dy ndeshjet e para ndaj Fiorentinës dhe Romës në mënyrë bindëse duke shënuar 6 gola dhe duke pranuar vetëm 1 gol, teksa ndaj Romës zikaltrit regjistruan një përmbysje spektakolare.
https://www.youtube.com/watch?v=vbTRCQXJlUs
Pesë ndeshjet e ardhshme të Interit janë si vijojnë:
Inter – Spal
Crotone – Inter
Bologna – Inter
Inter – Genoa
Benevento – Inter
/Telegrafi/
