Një lajm i mirë për zikaltërit është se Andrea Ranocchia do të jetë i gatshëm për derbin, por nuk dihet se a do të jetë titullar. Interit me gjasë do t’i mungojë shtylla tjetër e mbrojtjes, Walter Samuel. Alvaro Pereira është i suspenduar, teksa do të mungojnë edhe Diego Milito, Gaby Mudingayi, Joel Obi dhe Luca Castellazzi.
Sa i përket Rossonerëve, SuperMario do të rikthehet në derbi por kësaj radhe si kundërshtar i Interit. Mathieu Flamini dhe Nigel de Jong nuk do të jenë të gatshëm për lojë, kështu që Allegri në mesfushë pritet t’i vendosë lojtarët që luajtën edhe kundër Barcelonës.
Interi i ka fituar tri derbit e fundit kundër Milanit, por Rossonerët hyjnë në këtë ndeshje nga një fitore e madhe ndaj Barcelonës gjatë mesjavë, gjë që iu jep atyre përgatitje të fortë mentale. Nerrazurrët po kalojnë momente të vështirë por kanë treguar shenja të përmirësimit të enjten në fitoren 3-0 ndaj Clujit.
Në 20 ndeshjet e fundit këto dy ekipe asnjëherë nuk kanë barazuar. Barazimi i fundit ishte me 24 tetor të vitit 2004. Në përgjithësi Milani ka 81 fitore, ndërsa Interi ka 77. Por, sa i përket ndeshjeve në Serie A, Nerazzurrët kanë bilanc më të mirë me 67 fitore, kurse Rossonerët 60.
Interi nuk i ka humbur 10 ndeshjet e fundit në Meazza, teksa Milani është i pamposhtur që tetë ndeshje radhazi në kampionat.
Formacionet e mundshme :
INTER
Handanovic
Zanetti, Chivu, Juan, Nagatomo
Kuzmanovic, Kovacic, Cambiasso
Guarin
Palacio, Cassano
MILAN
Abbiati
Abate, Zapata, Mexes, Constant
Montolivo, Ambrosini, Muntari
Bojan, Balotelli, El Shaaraëy
Gjyqtari i ndeshjes: Mazzoleni di Bergamo. /Telegrafi/