Instituti Kombëtar i Shëndetësisë Publike të Kosovës, ka alarmuar për nivel të lartë të ndotjes në Prishtinës.
Përmes një postimi në faqen zyrtare në “Facebook”, ka rekomanduar të qëndrohet brenda për shkak të ajrit jo të shëndetshëm.
“Ajri jo i shëndetshëm! Mos dilni pa ndonjë nevojë të domosdoshme sidomos personat me sëmundje të mushkërive e të zemrës”, ka rekomanduar IKShP-ja.
Njëri nga monitoruesit që janë të vendosur në katër pika të ndryshme në kryeqytet, tregon se gjendja aktuale e ajrit është shumë e ndotur –PM 10, (Ajër shumë i ndotur).
Grimca të tilla mund të jetë rezultat i lëshimit të gazrave nga automjetet dhe termocentralet, nga djegia e qymyrit apo e drurit, apo ndodhi të drejtpërdrejta si zjarret në maje dhe mund të mbetet pezull në ajër për periudha të gjata kohore.
Nga ana tjetër, ndotja e ajrit është një nga shkaktarët kryesorë të vdekjeve të parakohshme, sëmundjeve tjera të ndryshme, sulmeve në tru, sëmundjes së mushkërive, kancerit, si dhe astmës./Telegrafi/
