Instituti francez në Shkup ka promovuar sot programin tremujorë ku përfshihen filma, libra, diskutime, ekspozita, gastronomi por edhe të rinjtë në apsket profesional, përcjell Telegrafi Maqedoni.
Aktiviteti i parë është më 23 janar, shënimi i Marrëveshjes së Elizeut dhe paqja frako-gjermane. Për këtë rast, do të shfaqet filmi ”Franc” në Kinotekën Maqedonia.
Sezona e kini klubit francez do të hapet më 24 shkurt, kurse më 10 mars në Manastir do të hapet ekspozitë fotografishë.
Sipas këtij instituti, në Maqedoni rreth 40 mijë nxënës mësojnë gjuhën frënge. Prandaj, më 15 mars do të hapet një kioskë me libra francezë dhe libra për mësim të gjuhës frënge.
Java e kuzhinës franceze do të fillojë më 21 mars, kurse më 24 mars do të hapet ekspozitë në ditën e Frankofonisë. Ekspozita do të hapet në Qendrën kulturore rinore.
Aktivitetet do të vazhdojnë me debat në Institutin francez më 26 mars, kruse në prill do të ketë tre panaire për letërsi në Manastir, Shkup dhe Tetovë. Në shkurt dhe mars do të ketë diskutime dygjësore me të rinjë./Telegrafi/