Një video dramatike ka kapur momentin kur një nënë në Kamboxhia ka shpëtuar një fëmijë vetëm disa sekonda para se të shembej tavani i shtëpisë së saj.
Sipas mediave të huaja, përcjell Telegrafi, incidenti ndodhi në kryeqytetin e Phnom Penh më 3 korrik pasi Pip Srey – që operon një biznes nga e njëjta ndërtesë – përfundoi punën për ditën.
Pamjet fillojnë me atë duke mbajtur një fëmijë dhe duke qëndruar përkrah fëmijëve të tjerë të vegjël në një dhomë.
Atje dëgjohet një zë dhe Srey dhe dy nga fëmijët fillojnë të ikin duke bërtitur.
Watch the latest video at foxnews.com
Srey – ende duke shtrënguar foshnjën – më pas kthehet me vrap dhe tërheq një fëmijë që kishte mbetur pas drejt një vendi të sigurt.
Tavani që ishte sipër saj dhe fëmijëve më pas u përplas në tokë.
“Ai do të kishte vdekur nëse çatia do të binte mbi të. Ishte thjesht instinkti im kur pashë çatinë të rrëzohej”, ka thënë Srey. “Diçka më bëri të shikoja prapa, dhe e pashë atë atje, kështu që thjesht vrapova dhe e kapa”. /Telegrafi/