Një raport i ri i publikuar për tregun amerikan ka thënë se aplikacioni i famshëm mobil në pronësi të Facebook e ka kaluar rrjetin social Twitter sa i përket numrit të përdoruesve mujor aktiv nga pajisjet mobile.
Sipas eMarketer, e cila e ka publikuar raportin e ri me numrat e javës së kaluar për rritjen e Instagram thuhet se këtë vit më shumë se 40.5 milionë përdorues të Instagram do të qasen në shërbim në baza mujore.
Ndërsa në të njëjtin publikim thuhet se numri i përdoruesve mujor aktiv nga pajisjet mobile në Twitter do të arrijë në 37.8 milionë, apo 2.7 milionë më pak se Instagram.
Megjithatë, shifrat e reja të Twitter paraqesin një rritje të bazës së përdoruesve prej 7 milionë, edhe pse këta numra nuk mjaftojnë që rivali më i madh i Facebook ta tejkalojë shërbimin tjetër, i cili është gjithashtu në pronësi të rrjetit më të madh social në botë.
Deri në fund të vitit thuhet se 25 për qind e të gjithë përdoruesve amerikan të telefonave të mençur do të jenë në Instagram. / Telegrafi /