Trendët e grimit këtë sezon janë më të larmishëm se kurrë më parë, ndërkaq ne po ju sjellim më të mirat që t’i kopjoni.
Ngjyrat vibruese dhe të zjarrta këtë verë po i shohim gjithandej: në sy, buzë, faqe madje edhe në qerpikë, ndërkaq ditët para nesh janë koha e duhur që edhe ju të krenoheni me dukjen e tillë, transmeton Telegrafi.
Sytë ngjyrosni në paletë të papritur të ngjyrave dhe theksoni bukurinë tuaj me nuanca të cilat më së miri i përshtaten ngjyrës së syve dhe flokëve tuaj, këshillojnë ekspertët e grimit.
Paletat e larmishme të hijesimit, maskara me ngjyra dhe të kuqtë në nuanca të papritura lehtë do të gjenden në koleksionet më të reja të të gjitha brendeve kozmetike dhe me çmime të ndryshme, prandaj nuk keni justifikim për lënie pas dore të këtij trendi.
Si inspirim i shkëlqyeshëm do t’ju shërbejnë damat e famshme, të cilat tashmë e kanë përqafuar këtë, ndër to janë Rihanna, Kylie Jenner, Kim Kardashian dhe shumë yje me ndikim të cilat tashmë me vite të tëra me sukses po i diktojnë trendët.