Lorenzo Insigne u stërvit së bashku me skuadrën e plotë të Napolit në mëngjesin e sotëm (e shtunë) dhe pritet të fillojë sonte ndaj Interit.
Italiani u lëndua në humbjen ndaj Manchester Cityt me rezultat 2-1 në Ligën e Kampionëve dhe menjëherë u përfol për një mungesë të tij në derbi.
Testet mjekësore treguan se lëndimi nuk ishte serioz dhe atij iu jap drita e gjelbër për zikaltrit.
Insigne është përfshirë në skuadrën e Maurizio Sarrit për sonte, kurse jashtë për shkak të lëndimit janë vetëm Arkadiusz Milik dhe Lorenzo Tonelli.
Skuadra e plotë e napolitanëve për Interin: Reina, Rafael, Sepe, Albiol, Chiriches, Ghoulam, Hysaj, Koulibaly, Maksimovic, Maggio, Mario Rui, Jorginho, Allan, Diawara, Hamsik, Rog, Zielinski, Giaccherini, Callejon, Ounas, Insigne, Mertens.
Aktualisht Napoli renditet i pari me 24 pikë, dy më shumë se Interi.
Vendasit vijnë nga fitorja 0-1 ndaj Romës, kurse mysafirët nga fitorja 3-2 ndaj Milanit. /Telegrafi/