Legjenda e Barcelonës, Andres Iniesta nuk do të dëshironte që Liverpooli të humbiste titullin në Ligën Premier shkaku i coronavirusit.
Fituesi i Kupës së Botës aktualisht është duke luajtur për Vissel Kobe në Japoni dhe si të gjithë të tjerët, është duke pritur për rikthimin e futbollit për shkak të pezullimit.
Iniesta sikurse shumë emra tjerë të futbollit nuk dëshiron që sezonet të përfundohen para kohe, pasi nuk do të ishte mirë për disa skuadra.
“Mendoj se do të ketë rregulla që vendosin në një mënyrë apo tjetër në rrethana të jashtëzakonshme, por është një situatë e vështirë”, ka thënë fillimisht Iniesta për The Guardian.
“Duhet të jetë shumë e vështirë për ekipe si Liverpooli, të cilit mund t’i mohohet titulli”.
“Ose për një ekip i divizionit të dytë në prag të inkuadrimit në ligë, ose anasjelltas: një ekip në zonën e rënies shpëtohet. Kjo është e vështirë”.
“Pfff. Nuk e di sesi të zgjedh”, përfundoi spanjolli. /Telegrafi/