Infermierët dhe mësuesit në Uzbekistan po detyrohen nga zyrtarët për të pastruar rrugët, mbjellin drunj dhe të bëjnë korrjen e grurit – përndryshe do të ballafaqohen me shkurtim page, largim nga puna – pavarësisht tentimit të shtetit për t’i dhënë fund punës së detyruar, ka thënë një grup për të drejtat e punëtorëve të enjten.
Sipas mediave të huaja, përcjell Telegrafi, nën presionin ndërkombëtar, përfshirë bojkotin nga gjigantët e modës, vendi i Azisë Qendrore ka vënë në dukje përpjekjet e saj për t’i dhënë fund punës së detyruar nga të rriturit dhe fëmijët në industrinë e saj të pambukut – ku është një nga eksportuesit kryesorë në botë.
Por punëtorët e sektorit publik janë ende të detyruar për të kryer punë të tjera të dorës së dytë, tha Forumi Uzbek-Gjerman për të Drejtat e Njeriut dhe Qendra e Solidaritetit në SHBA në një raport të zbuluar ekskluzivisht nga Thomson Reuters Foundation.
Raporti – i bazuar në intervistat me rreth 260 njerëz si mësues dhe mjekë – gjithashtu zbuloi se marrja e nëpunësve civilë larg punës së tyre të vërtetë dëmton shërbimet, duke përfshirë kujdesin shëndetësor.
“Ka një traditë, ose një kulturë në Uzbekistan, të njerëzve që detyrohen të bëjnë punë të papaguar” , Umida Niyazova, drejtore e Forumit uzbek-gjerman për të drejtat e njeriut.
“Pambuku nuk është i vetmi sektor ku ekziston puna e detyruar”. /Telegrafi/