Së fundmi, ka bërë bujë fotoja e një veture të parkuar në mënyrë të mistershme në majë të një koshi mbeturinash në Florida.
Scott Greenberg tha se ai ishte duke shkuar për në dyqan kur vuri re automjetin e parkuar në majë të një koshi jashtë East Point Drive në Fort Myers, përcjell Telegrafi.
“I dërgova mesazh shokut tim. A është kjo e drejtë? A është falas? Është në kosh”, tha Greenberg.
Doli që fuoristrada ishte ngritur në koshin e mbeturinave nga disa punëtor ndërtimi që ndihmonin në ndërtimin e një kompleksi të ri apartamentesh.
Punëtorët thanë se automjeti ishte lënë i parkuar në një zonë pune.
“Ndonjëherë kur parkon aty ku nuk duhet, kjo është ajo që ndodh”, tha njëri nga punëtorët.
Automjeti u hoq më vonë nga koshi dhe u zhvendos në një vend parkimi larg zonës së punës. /Telegrafi/