Imazhe të shkrepura në vende të ndryshme të botës, që tregojnë si po respektohet masa e distancës nga frika e coronavirusit
Burim Tmava
Në vende të ndryshme të botës qytetarët kanë shprehi që kur takohen me dikë në rrugë t’i shtrëngojnë duart e në disa tjera edhe të përqafohen dhe puthen, mirëpo nga shfaqja e coronavirusit në Kinë që me shpejtësi të madhe u përhap në vende tjera, ka bërë që kjo praktikë të ndërpritet – të paktën derisa të kalojë kjo krizë.
E kjo i ka bërë njerëzit të jenë më të vëmendshëm dhe të respektojnë këshillat e ekspertëve të shëndetësisë që të mbajnë distancë prej të paktën dy metrave, me qëllim të parandalohet përhapja e mëtejme e COVID-19, transmeton Telegrafi.
Fotografitë e publikuara më poshtë tregojnë më së miri se si po respektohet kjo direktivë nga vende të ndryshme të botës – madje edhe në institucione shtetërore nëpër familje, objekte fetare e deri te radhët e gjata të pritjes para marketeve. /Telegrafi/
Qytetarët duke mbajtur distancën e kërkuar nga autoritetet derisa po prisnin para një marketi në BarcelonëPastorët mbajnë maska mbrojtëse në meshën që e ndjekin në kishën Yido në Seul të Koresë së VeriutRadhë të gjata para zyrave të postës në Debrecen të HungarisëQytetarët amerikanë duke pritur në radhë para dyqaneve që shesin armë në Culver të KalifornisëPritje të gjata para marketeve në Manila të Filipineve, ku qeveria e këtij vendi po aplikon masa të karantimit të lagjeve të tëraNga frika se mund të mbesin pa ushqim, qytetarë të shumtë të Costco në Las Vegas presin me orë të tëra nëpër parkingjet e marketeveSi preventivë, qytetarët e Manilës madje i kanë shënjuar me vija hapësirat se sa duhet të qëndrojnë larg njëri-tjetrit derisa presin para marketeveMe ombrella në duar, qytetarët e Pamplonas në veri të Spanjës presin në radhë para një furrePërveç se mbajnë maska mbrojtëse, qytetarët në Romë të Italisë po respektojnë plotësisht masën preventive të distancës derisa po presin para barnatoresEdhe në Bruksel një masë e tillë preventive po vërehet te qytetarët, që po presin në radhë para marketeve për t’u furnizuar me artikuj të ndryshëm ushqimor dhe sanitarGjatë një konference për media, Angela Merkel ka folur para gazetarëve, të cilët ishin urdhëruar të mbajnë nga një karrige të zbrazët në mënyrë që t’i ndajnë të paktën një metër larg nga kolegët e tyre.Skenë e ngjashme para një marketi në New York, ku autoritet federale u kanë bërë thirrje qytetarëve të mos organizojnë tubime publike ku marrin pjesë më shumë se 10 personaNë Francë janë raportuar më shumë se 9.100 raste me coronavirus dhe mbi 260 të vdekur, mirëpo qytetarët në Paris po respektojnë këshillën për të mbajtur distancëEnza Garzia (në të majtë) duke ruajtur distancën me Paola Albano derisa po bisedonin në pjesën qendrore të RomësPritje të gjata dhe masa parandaluese të qytetarëve francezë që po bëheshin gati të votojnë për zgjedhjet lokale të 15 marsit në ParisNjë skenë e ngjashme është parë para një dyqani në BarcelonëPunonjësja e një marketi në Buenos Aires të Argjentinës ka ndërmarrë masa më radikale preventive – duke mbuluar veten në najlon derisa klientët po bëheshin gati të paguajnë ato që i kanë blerë
