Uragani Irma është duke u bërë çdo herë më i madh dhe më i fuqishëm, dhe pritet të jetë shumë më i rrezikshëm sesa uragani Harvey i cili ka prekur shumë zona të Shteteve të Bashkuara.
Irma ka futur në krizë të thellë Ishujt Karaibe, duke shkaktuar vdekjen e dhjetëra civilëve si dhe dëme të mëdha materiale, transmeton Telegrafi.
Raportohet se 95 përqind e ishujve Saint-Martin, Barbuda dhe ishujt e virgjër së Britanisë janë shkatërruar, kurse miliona banorë kanë mbetur pa kulm mbi kokë, ujë, energji elektrike dhe linja telefonike.
Ndërsa Bahams dhe Kuba pritet ta kenë fatin e njëjtë, derisa shteti i Floridës së SHBA-ve është evakuuar plotësisht për shkaqe sigurie.
Për të dokumentuar tmerrin që e ka shkaktuar ky uragan, më poshtë kemi publikuar një fotogaleri ku shihen vendet që janë shndërruar në zona fantazmë, por aty mund t’i shihni edhe se si dukeshin para se të prekeshin nga erërat e forta që lëvizin me 300 kilometra në orë. /Telegrafi/
