Këtë vit për herë të parë në skenën e festivalit “Sunny Hill” është ngjitur edhe këngëtarja shqiptare, Ilira Gashi.
Bukuroshja, e cila jeton dhe vepron prej vitesh në Gjermani, ka performuar për herë të parë në vendin tonë dhe nuk ka dyshim se u mirëprit nga publiku.
Këtë gjë e dëshmojnë edhe postimet që ka ndarë së fundmi me fansat e saj, në rrjetet më të frekuentuara sociale.
“Prishtina. Ju ishit turma më e bukur që kam parë ndonjëherë. E ndjeva dashurinë thellë në kockat e mia. Ju dua të gjithëve deri në vdekje”, ka shkruar në njërën prej postimeve Ilira.
“Sunny Hill Prishtina, jeni të paharrueshëm”, shkruan në tjetrin postim këngëtarja jonë shqiptare.
Ndërkohë, javë më parë ajo ka dhënë një intervistë ekskluzive për Telegrafin, teksa flet për jetën dhe karrierën profesionale e mes të tjerash edhe për “Sunny Hill”. /Telegrafi/