IKSHPK-ja ka njoftuar se në cilat rajone përmbushen standardet për ujë të pijshëm pas vërshimeve që kapluan vendin ditët e fundit.
Bazuar në të dhënat nga rezultatet laboratorike në IKShPK dhe QRShP rajonale ende edhe sot në disa rajone uji nuk i përmbushë standardet e paraparë për ujin e pijshëm.
Regjioni i Prishtinës: në të gjitha mostrat e analizuara për regjionin e Prishtinës:
Uji në regjionin e Prishtinës i përmbushë standardet e parapara për ujin e pijshëm. shqetësim paraqet ende mos furnizimi 24-orësh për popullatën
Regjioni i Mitrovicës:
Uji në qytetin e Mitrovicës dhe në Skenderaj nuk i përmbushë standardet e parapara për ujin e pijshëm.
Uji në qytetin e Vushtrrisë është brenda standardeve të parapara për ujin e pijshëm.
Shqetësim paraqet ende mos furnizimi 24-oresh për popullatën
Regjioni i Pejës:
Në mostrat e grumbulluara sot ende vazhdon vlerë e rritur e turbullirës në ujin për pije në të gjitha njësitë e rrjetit te ujësjellësit KRU Hidrodrini :
Uji në Pejë, regjioni që furnizohet nga sistemi i Ujit të Zi dhe në Deçan i përmbushë standardet e parapara për ujin e pijshëm.
Vitomirica dhe Novosella që furnizohen nga sistemi i Radavcit nuk i përmbushë standardet e parapara për ujin e pijshëm.
Uji në Istog dhe Klinë nuk i përmbushë standardet e parapara për ujin e pijshëm.
Regjioni i Gjakovës:
Uji në Gjakovë dhe Rahovec i përmbushë standardet e parapara për ujin e pijshëm
Uji në sistemet: Damjan dhe Gërqinë nuk i përmbushë standardet e parapara për ujin e pijshëm
Regjioni i Prizrenit:
Në Malishevë edhe pse ka filluar uji të kthjellohet ende vlerat e turbullirës i tejkalojnë vlerat e lejuara për ujin e pijshëm.
Nga të dhënat laboratorike:
Uji në regjionin e Prizrenit i përmbushë standardet e parapara për ujin e pijshëm
Uji në Malishevë nuk i përmbushë standardet e parapara për ujin e pijshëm
Regjioni i Ferizajit:
Nga të gjitha mostrat e analizuara për rajonin e Ferizajit dhe Kaçanikut:
Uji i përmbushë standardet e parapara për ujin e pijshëm.
Shqetësim paraqet ende mos furnizimi 24-orësh për popullatën
Regjioni i Gjilanit:
Uji në Gjilan, Kamenicë dhe zonën e fshatrave i përmbushë standardet e parapara për ujin e pijshëm
Uji në Viti nuk i përmbushë standardet e parapara për ujin e pijshëm
Rekomandohen qytetarët në rajon ku uji nuk është në përputhshmëri me standardet e parapara:
që para përdorimit uji të vlohet, të shfrytëzohen resurset e sigurta ose uji i ambalazhuar
IKShPK/QU vazhdon me monitorim te ujit për pije dhe përcjelljen e situatës epidemiologjike në këto zona.
Mos furnizimi 24 orë me ujë të pijshëm për popullatën mbetet akoma shqetësues.
IKShPK/QU në bashkëpunim me Kompanitë Rajonale të Ujësjellësve, vazhdojnë angazhimin për stabilizim të furnizimit me ujë të pijshëm.