Shërbimi Korrektues i Kosovës njofton opinionin publik se i dënuari F. H. është larguar nga Qendra Korrektuese e Smrekonicës, institucion i tipit të hapur.
Në njoftim thuhet se i dënuari ishte gjithashtu përfitues i vikendit dhe se herën e fundit që ka shfrytëzuar vikendin ishte nga data 01 deri më 03 të këtij muaji, transmeton Telegrafi.
“Për largimin e tij nga institucioni është përgatitur letërrreshtimi dhe është njoftuar edhe policia”, thuhet në njoftim.
Lidhur me rastin, deri në përfundim të hetimeve,është suspenduar oficeri i dhomës së vëzhgimit, F.R dhe oficeri i krahut, N.A. /Telegrafi/