Drejtori shqiptar i Lazios, Igli Tare, konfirmoi se klubi po ‘punon’ për largime në mënyrë që ata të lejohen të sjellin lojtarë të rinj, ndërsa refuzoi sugjerimet se ata po luftojnë me Atalantën për një përfundim në top katërshe.
Tare u pyet nëse Biancocelesti po ndiqnin Atalantën për një vend në Ligën e Kampionëve, ndërsa nuk hezitoi të përgjigjet.
“Lazio nuk po ndjek kundërshtarët, ne duhet të fokusohemi te vetja. Është një sezon me një mijë vështirësi, kështu që është thelbësore që të mos shikojmë shumë larg në të ardhmen, përkundrazi ta marrim atë një ditë në një kohë dhe në disa muaj pastaj të shohim se ku jemi në tabelë”, ka thënë fillimisht Tare për Sky Sport Italia.
Maurizio Sarri konfirmoi se Lazio nuk është në gjendje të sjellë aktualisht asnjë lojtar, qoftë edhe në huazim apo si transferime të lira, për shkak të indeksit të likuiditetit.
Ishte tashmë një problem gjatë verës dhe u zgjidh vetëm në minutën e fundit nga Presidenti Claudio Lotito duke rritur kapitalin me 10 milionë euro nga paratë e tij. A do ta bëjnë përsëri?
"It's a season of a thousand difficulties, we can't look too far ahead, but from day to day and look at ourselves, we're not chasing down opponents. We're working to unblock the mercato, circumstances also change day to day."
– Igli Tare 🦅 #Lazio pic.twitter.com/KChABsUz1I
— LazioLand (@Lazio_Land) January 22, 2022
“Po punohet për zhbllokimin e indeksit të likuiditetit, sepse ka disa mundësi. Fatkeqësisht, gjërat mund të ndryshojnë nga dita në ditë, herë pozitivisht, herë negativisht”.
“Ka besim dhe nëse mund të bëjmë atë që planifikojmë, mund ta ndihmojmë trajnerin të përforcojë skuadrën. Nuk janë vetëm shitje, por edhe dërgimi i disa lojtarëve në huazim për të shkuar diku tjetër”, përfundoi drejtori sportiv i Lazios. /Telegrafi/