Rep-artistja australiane, Iggy Azalea, ditë më parë ka festuar ditëlindjen e saj të 30-të.
Në po të njëjtën ditë ajo kishte publikuar një fotografi mjaft atraktive, ku duket se ndoshta për herë të fundit e kemi parë bionde.
Kjo vjen pasi reperja ka vendosur që të ngjyrosë flokët e saj me të kuqe, në të cilat po duket edhe më tërheqëse.
Një gjë të tillë e ka bërë të ditur përmes rrjetit social Instagram, ku ka pozuar me një tufë lule në formë zemre në duar.
Ndryshimi drastik i Iggyt ka bërë që shumë fansa të saj të pëlqejnë imazhin dhe të lënë komente pozitive në të.
Ajo u kishte dhënë po ashtu mundësinë 13.3 milionë ndjekësve të shohin ambientin festues me rastin e ditëlindjes së saj. /Telegrafi/