Trepça ’89 ka pësuar humbje pas dy fitoreve të njëpasnjëshme në kampionat.
‘Minatorët’ u mposhtën në udhëtim te Dukagjini me rezultat minimal 1-0 falë një goli të shënuar nga Iljesa Zulfiu kur kaluan një orë lojë.
Trajneri i Trepçës ’89, Shpëtim Idrizi tha se skuadra e tij nuk i shfrytëzoi rastet dhe pësoi.
“E kemi pritur se do të jetë ndeshje e fortë, por mendoj kur nuk i shfrytëzon rastet atëherë pëson. Në pjesën e parë ne krijuam raste dhe dominuam, por pësuam pastaj gol nga një pakujdesi apo nga asgjëja”.
“U ndëshkuam, por unë jam i kënaqur me angazhimin. Ndoshta sot na mungoi vetëm konkretizimi, megjithatë na mbetet të ecim para. Nuk funksionoi vetëm sulmi, pasi kishim shumë gjuajtje drejt portës së Dukagjinit, sidomos në pjesën e parë”, ka thënë Idrizi.
Me këtë fitore Dukagjini ngritët në pozitën e pestë në tabelë me 21 pikë, derisa 89-shi mbetet në vendin e nëntë me 18 sosh.
Ndeshjen e ardhshme Dukagjini luan në udhëtim te Ferizaj, derisa Trepça ’89 para adhuruesve të vet luan përballë Prishtinës. /Telegrafi/