Trajneri legjendar i Milanit, dy herë fitues i kupave evropiane me klubin Rossoner në vitin 1989-1990, ka goditur keq PSG-në pas eleminimit nga Real Madridi.
Edhe pse pa Neymarin, Parisi u prit që të rezistonte më shumë dhe të jetë sfidë më e madhe për mbretërit.
Megjithatë, Sacchi thotë se përkundër shpenzimeve të mëdha, idetë dhe futbolli nuk mund të blihen.
“Real Madridi u përball me një kundërshtar shumë të dobët”.
“PSG është vetëm një grup lojtarësh. Fjala “lojë” mund të duket abstrakte, vështirë për t’u përshkruar, pro e ka bërë gjithë diferencën sonte (e martë)”.
“Idetë nuk mund të blihen… PSG-së i mungojnë aq shumë gjëra”, theksoi strategu italian.
Trajnerit Unai Emery i skadon kontrata në fund të sezonit dhe pas dështimit në Ligën e Kampionëve atij presioni i është rritur dukshëm. Sacchi ndërkaq, vlerëson lart trajnerin spanjoll.
“Emery është trajner shumë i mirë. Ai veq ka nevojë që klubi të jetë prapa tij dhe sidomos lojtarët të ndjekin idetë e tij”.
“Në Evropë, të duhet mentaliteti, por edhe loja. Loja është sikur rezultati i një muzike dhe i një skenari të një filmi”, përfundoi Sacchi. /Telegrafi/