Policia ka identifikuar viktimën e parë të sulmit terrorist në Mançester. Bëhet fjalë për adoleshenten Georgina Bethany Callander 16-vjeçe të cilën miqtë e quanin Gina.
Një shok i saj ka deklaruar për mediat angleze, se ajo kishte vdekur pas shpërthimit, transmeton Telegrafi.
Ajo kishte shprehur edhe gëzimin e saj për koncertin e shumëpritur të këngëtares Ariana Grande edhe në profilin e saj në Tëitter, ku kishte shkruar se është e lumtur se çfarë do të sheh nesër.
Pas përfundimit të koncertit të pop këngëtares në Manchester Arena kishte ndodhur një shpërthim i fuqishëm, ku si pasojë kanë humbur jetën 22 persona dhe 59 tjerë janë plagosur. /Telegrafi/
