Identifikohet personi që ishte parë në video xhirime duke lëvizur me veturën e tij ne sheshin “Nënë Tereza” në Prishtinë
Ditë më parë në media është publikuar një video xhirim ku shihet një veturë e cila me shpejtësi të madhe lëvizë në sheshin “Nënë Tereza” në Prishtinë.
Ndërkohë, gjatë ditës së sotme, Policia e Kosovës ka bërë të ditur se ka parë pamjet e tilla dhe menjëherë ka filluar punën për zbardhjen e rrethanave të kësaj ngjarje, me fokus zbulimin e identitetit të ngasësit dhe identifikimin e veturës.
“Kësisoj më datë 12.01.2017 pas shumë veprimeve të ndërmarra, policia ka identifikuar veturën si dhe ngasësin e veturës; A. B, mashkull, 21 vjeç, shtetas i Republikës së Kosovës, ndaj të cilit menjëherë ka
shqiptuar masën administrative të fletëparaqitjes për gjykatë, për veprimin kundërvajtës në trafik”, thuhet në njoftimin e Policisë së Kosovës. /Telegrafi/
