Shtetasi Lekë Vuksani dyshohet se është autori i vrasjes së Petrit Vuksanit mesditën e sotme në Shkodër.
Autori i dyshuar i ngjarjes mësohet se është kushëriri i 51-vjeçarit. Ky i fundit i cili sapo ishte kthyer nga Anglia ishte i vetëm në banesë kur u qëllua me armë zjarri.
“Falë reagimit në kohë të Policisë dhe veprimeve të shpejta profesionale hetimore, është bërë i mundur identifikimi i autorit të dyshuar të vrasjes së shtetasit Petrit Vuksani. Shërbimet e Policisë janë vënë në ndjekje të autorit të dyshuar, shtetasit Lekë Vuksani, i cili dyshohet se ka vrarë me armë zjarri automatik 51-vjeçarin. Vijon ndjekja dhe krehja e zonës, me qëllim kapjen e autori”, njofton policia.
Ndërkohë në media ka dalë edhe fotoja e viktimës. Ai jetonte kryesisht në emigrim dhe shpesh herë kthehej në Shkodër dhe në vendlindjen e tij, në Dukagjin. /Telegrafi/