Rivali i parë do të jetë i Sali Berishës do të jetë Ibsen Elezi, në garën për kryetarin e Partisë Demokratike, ku afati për dorëzimin e formularëve ka përfunduar dje, më 7 Maj, dhe mësohet se Elezi ka paraqitur kandidaturën e tij.
Një zyrtar lokal i PD dhe njëherësh një kritik i madh i kësaj force politike, sot Ibsen Elezi ka konfirmuar se do të jetë në garë me ish-kryeministrin Sali Berisha.
Zgjedhjet për kryetarin e PD mbahen më datë 22 Maj dhe do të votojë e gjithë anëtarësia demokrate.
I pyetur ish-kryetari i PD në Kukës, ka pohuar se; “dje në orën 11.30 kam paraqitur kandidaturën time”.
Ndërkohë, mësohet se Komisioni i Operacioneve Elektorale në PD do të dalë nesër për të bërë publik emrin/emrat që do të rivalizojnë Berishën.
Në garë ishte dhe demokrati tjetër Edvin Kulluri, por ky i fundit u tërhoq dhe hodhi akuza të forta drejt Grupit të Rithemelimit.
Data për zgjedhjen e kreut të PD u vendos në Kuvendin e 30 prillit, që u thirr nga grupimi i Sali Berishës.
Ish-kryeministri Sali Berisha, që në ditët e para të nisjes së procesit të “Foltores” ka deklaruar se qëllimin për të marrë drejtimin e Partisë Demokratike.
Në kushtet kur edhe Fatbardh Kadilli dhe Agron Shehaj u shprehën në media se nuk do garonin, Berisha tha se procesi mund të shkonte drejt referendumit.
