Sulmuesi Zlatan Ibrahimovic pritet të nënshkruajë një marrëveshje të re me Milanin sonte ose nesër gjatë ditës.
Suedezi ka arritur një marrëveshje për të zgjatur qëndrimin e tij me Rossonerët për një sezon tjetër.
Sipas Sky Sport Italia, këtë marrëveshje veterani do ta zyrtarizojë brenda disa orësh.
Ibrahimovic-Milan, ci siamo: l'annuncio tra stasera e domani. Le news. VIDEO#SkyCalciomercato #Calciomercato #SkySport #Milan #Ibrahimovic #Ibra https://t.co/CXwniErXfy
— skysport (@SkySport) April 22, 2021
Mes sonte dhe më së voni nesër, nënshkrimi duhet të shpallet zyrtarisht.
Raporti pretendon se ka vetëm detaje të vogla burokratike për t’u zgjidhur midis avokatëve të Rossonerëve dhe përfaqësuesve të lojtarit.
Zlatan, i cili ka shënuar 15 gola në 17 ndeshje në Serie A këtë sezon, thuhet se i është ofruar një marrëveshje me vlerë 6,5 milion euro sezon plus bonuse.
39-vjeçari mungoi në humbjen 2-1 kundër Sassuolos mbrëmë, ndeshja e 16-të që ai e ka humbur për shkak të dëmtimit këtë sezon. /Telegrafi/