Zlatan Ibrahimovic ka shpërndarë një postim të fshehtë në rrjetet sociale pas takimit me pronarin e Milanit, Gerry Cardinale.
Ibrahimovic u tërhoq nga futbolli në fund të 2022-23, por është takuar disa herë me drejtorët dhe pronarin e kuqezinjve Gerry Cardinale gjatë javëve të fundit.
Legjenda suedeze ka diskutuar një rikthim të mundshëm në klub me një rol brenda dhomës së kontrollit të klubit ose në stafin e trajnerit Stefano Pioli.
tic tac tic tac pic.twitter.com/4eA07M73Dq
— Zlatan Ibrahimović (@Ibra_official) November 7, 2023
Takimi më i fundit mes Ibras dhe Cardinales ka ndodhur të hënën në Milano, në prag të një ndeshjeje kyçe në Ligën e Kampionëve mes kuqezinjve dhe PSG.
Suedezi tani ka postuar një mesazh të fshehtë në platformën X, dikur Twitter, duke sugjeruar se mund të ketë përditësime shumë shpejt.
“tic tac, tic tac”, ka shkruar Ibrahimovic duke nxitur imagjinatën e ndjekësve. /Telegrafi/